عاوز توصل لاية من تظبيط البنات

نااااااااااااااااااس كتير اوى نفسها تعرف ايه هو الهدف من تظبيط البنات

الأنسان دايمن بيحاول يسعي للكمال و دي حاجة معروفة فينا كلنا , كل يوم عايز يلاقي طريقة يريح نفسه بيها أكتر و يجيب بيها فلوس اكتر ,واحد بيفكر في مستقبله , واحد بيفكر في الشقة و التاني بيفكر في الشغل و كل الهجس اللي بيموت في عقلنا كل يوم .

و لولا كل التفكير اللي المجتمع بيفكر بيه , أنك لازم تدخل الجامعة و تبقي دكتور قد الدنيا أو ضابط قد الدنيا أو عالمة قد الدنيا , التفكير أن كل أنسان ممكن يوصل للشهرة و يبقي بطل مصر أو ممثل عالمي أو مدير شركة , لكنا دلوقتي وصلنا للي أحنا عايزينه , لأننا كل يوم بنتفرج عالتلفزيون بنفكر في كده , احنا عارفين أنه صعب أنه يحصل , و من هنا لازم تفهم أنك ذي بقيت البشر بس مميز في حاجات معينة و لازم تستخدمها عشان توصل لهدفك , لأنك عمرك ما هتصحي في يوم من الأيام تلاقي عندك صفات النجاح أو هتبقي سبيدر مان أو تامر حسني , و لازم تفهم أن كلنا بنتبع الأسباب و بنعمل اللي المفروض نعمله و النتيجة دي مش في أيدك , و من هنا مهم جداً أنك ما تحاولش أو ما تفتكرش حتي أنك تقدر تتحكم في النتيجة , و أول لما توصل لنقطة الأستسلام دي هتوصل لكل اللي كنت أنت عايزه و الخوف ده هيكون مجرد أحساس بيديك دفعة للأمام , بدل ما كنت بتلف و تدور الدنيا بتمشي عليك بقت الدنيا هي اللي بتلف و أنت بتختار اللي بيعجبك فيها , اللي أنت عايزه بتمشي في طريقه بثقة لغاية لما توصله .

الوصول للمرحلة دي ده لازم يكون هدف عند كل الناس , لأنه بس مش هدف عشان تعرف تظبط بالعكس ده هيخلي حياتك تبرق و هيخليك توصل لكل اللي أنت عايزه و كنت بتحلم و بتفكر فيه , و خلي بالكم أن الناس اللي بيقدروا بستحملوا مرحلة التعب و الألم في حياتهم مهما كان مجالهم هما اللي بيكونوا الأبطال اللي بينجحوا في أي شيء و كل شيء"الأستمرار" .

بس دلوقتي في مشكلة تاني , كتير أوي و انت صغير كان ممكن تبقي فاكر أن عشان تبقي سعيد في حياتك و توصل لكل اللي أنت عايزه , أنك تبقي ذكي و شغال شغلة جامدة و مريش و ماشي بالعربية البرنس و كل الناس معجبة بيك و يمكن نفسهم يكونوا زيك لأنهم حاسين أنك حققت نفسك في الدنيا دي و لازم تكون سعيد.....و اه نسيت أنت متجوز كمان , يعني من الأخر حياة معدية .

لكن المشكلة الحقيقية أنك ممكن توصل لكل ده و مش تبقي حاسس بس بالأكتئاب لكن حاسس أنك وحيد جداً لولا أن مراتك في حضنك و حاسس أنك لولا أنك وصلت لكل ده لكن حاسس أن في حاجة ناقصة برضه .

السبب أن معظم الناس فاهمة أن اللي بيخليك جذاب للجنس الآخر هو فلوسك و شكلك , فاهمين أنهم لو معاهم عربية و جسمهم جامد و لابسين أونسيال و شعرهم سبايك هيظبطوا تظبيط عالي (ما يمنعش أن دي تكون عوامل مساعدة بس) .

طب أيه اللي ممكن بخليك تحس بالوحدة و مراتك في حضنك , حاجة واحدة و هي أنك ما بتحبهاش ,مجرد جواز ذي معظم جوازات دلوقتي , لأن في رجالة كتير بتحس أن دي حاجة طبيعية في الحياة "الأستقرار" و من هنا لو هوا مفيش حد في حياته بيقبل علي نفسه أن أمه تشفله عروسة و هو زعلان من جواه و حاسس بالفشل شوية لأنه مش هوا اللي أختارها (مش في كل الأحوال) أو متعبش خالص (عمر ما الواحد بيقدر الحاجة اللي بتيجي بسهولة) و من هنا ممكن ده يكون سبب من الأسباب اللي عامل سحابة سودة في حياته لولا أنه مش عارف هو في أيه غلط عمله .

و من هنا ده كان هدف السايت , أننا نفتح عنين كل الرجالة عزاب أو متجوزين , أننا نعلمهم أزاي يظبطوا حياتهم و ازاي يحققوا أهدافهم و في نفس الوقت نعلمهم ازاي يبقوا رجالة بجد , رجالة حقيقيين جذابين و بنأكد ازاي أي أنسان ممكن يوصل لكده مهما كان شكله أو تفكيره أو حياته , و بالطريقة دي هتحسوا بالتوازن في حياتكم , لأن الراجل لو حياته العملية و الصحية مظبوطة و العاطفية بايظة يبقي حياته هتتدمر , و من هنا بييجي دورنا .

بس لازم تفهموا أننا مش عاملين السايت ده عشان نثبت لحد نفسنا أو عشان أي حد يثبت نفسه لينا , عمرك ما تحاول تثبت نفسك لأي حد و عشان كده أحب أنصحكم أنه يا ريت تستخدموا السايت في حياتكم العملية و تطبقوا كلامنا , لكن الهدف مش أنك تفضل قاعد بتقرأ و تكتب و خلاص , طبق , عمرك كا هتلاقي نتيجة من غير تطبيق و ساعتها بس مش هتفيد نفسك لكن هتفيدنا معاك و هتفيد شباب كتير من خبرتك .

و أرجو أني أكون وضحت الشكل الجميل اللي في عقلنا لكل الأعضاء(الجملة فيها حاجة غريبة لول) .

و دلوقتي لازم تفهموا أنكم هتتعبوا شوية في الأول عشان هتعملوا حاجات مش متعودين عليها و يمكن عمركم ما عملتوها , اهلك وصحابك و قطتك ممكن ما يفهموش أنت مالك و لا أيه اللي بتعمله (السبب الرئيسي للفشل معظم الوقت هو أصحاب زمان لأنهم مش عايزينك تتغير يمكن كمان يكونوا مصاحبينك عشان يحسوا بشوية ثقة في نفسهم , أوبرا لو أنت عارفينها فقدت كتير من صحابها أول لما فقدت كتير من وزنها) لكن ده من سبب عشان يوقفك , لازم تفهم أن بعد الرحلة دي أنت مش هتبقي ذي الأول تاني , أنا ما كانش في حد عارفني خالص و بعد كل مجهودي دلوقتي بقيت مشهور في كليتي و كلكم تقدروا تبقوا كده , و ازاي هتكونوا كده لو كل الناس دخلت السايت و شعب مصر كله دخل السايت ؟؟

لولا أن كل الكلام اللي أنا قلته ممكن يعجب ناس كتير , لكن معظم الشباب بتكسل تعمل أي حاجة و معظم الوقت هيكون ردهم"يا عم كل ده عشان أظبط بنات يا عم دي سهلة كلمتين من هنا علي كلام حب و هتبقي ذي الفل يا بوب" , و هافكركم في يوم من الأيام بكلامي , الفرق ما بينا و ما بين الطبيعيين في التظبيط أننا نقدر نوصل لنفس النتائج بمزاجنا مش بالحظ و عشان كده أول لما بانصح صحابي باقولهم أن أسوأ معلم ليك هو الطبيعي(مش فاكر قريتها فين) .

في ناس تانية ممكن تقول أن البنات هتقرأ الكلام ده و هتعرف حيلنا و كلامنا , لكن بالعكس البنات اصلاً نفسها حد يديها أهتمام , أنا مرة في بنت دخلت عليها مجرد تدريب و فضلت ماشية ورايا و سألت بنات تانية دخلت عليها أنا قلتلهم أيه هههههههههههههههههه , وبعد كده واجهتني ,و بصراحة كنت صريح جداً معاها و طبعاً ضربتني بالقلم و من ساعتها أنا بامدخلش علي بنات تاني....للأسف محصلش كده لول , البنت فضلت قاعدة معايا وقت طويل و يمكن أتمسكت بيا أكتر بعد نظرات أعجاب, البنات بتشوف حاجات كتير أوي في التلفيزيون و الروايات و عندهم أماني كتيرة جداً سرية مافيش حد بيحققها ليهم غير نادراً , و من هنا بييجي دورنا ,فعلاً أحنا اللي بنريحهم من ملل الشباب الكتاكيت التانية ,و اللي أنا أستغربته أنها كانت عايزة تتقابل بعد كل ده تاني , و ده بيوضح جامد جداً ان في حاجات كتير ممكن تكون عكس المنطقي بس حقيقية و برضه بيوضح أن تفكيرنا مختلف تماماً .

آخر حاجة حبيت أوضحها , أن في بنات ممكن تقولك أن الكلام ده ما يشتغلش عليا أول لما تقولهم علي السايت و كل الكلام ده ,لكن الغريب أن لولا أنهم بيقولوا كده كل الكلام ده بيشتغل ذي الفل , معظم البنات اللي بتقول كده بتبقي البنات الأذكي , و بالعكس الكلام بتاعنا و كل نظرياتنا بتشتغل علي البنات الأذكي أكترمن العادية , و من هنا لازم تفهموا أن البنات ما بيعرفوش اللي ممكن يشتغل عليهم دايمن , فلازم تجريوا قبل ما تثقوا في كلامهم كلياً .



و يا ريت لو في حد عايز يوضح حاجة تاني انا نسيتها أو عايز يضيف اي حاجة أو يقول رأيه يتفضل

monte escalier

Posted in: عاوز توصل لاية من تظبيط البنات