عشان تظبط صح

حد فيكوا سمع عن نابليون هيل…طب هو مين نابليون هيل اساسا؟ نابليون هيل دا راجل فقير جدا عايش في شقة بتتكون من اوضة واحدة..بمعني اصح كابينة…امه ماتت و هو عنده عشر سنين و بعديها بفترة ابوه اتجوز تاني…اتمرد نابليون علي حياته و بدأ يدور علي شغل بيحبه فبدأ يكتب مقالات للجريدة بتاعت مدينته و هو عنده 13 سنة…بدأ نابليون يحقق نجاحات في عمله كصحفي…بس كان فيه عادة غريبة جدا و سؤال شاغل باله اوي و السؤال دا كان محيره ..كان شاغله ليه في ناس بتنجح و ناس لا ..ليه في ناس بتكافح و تقاوم و تكمل و ناس تانية لا…نابليون بدأ يقابل انجح ناس في بلدته و يستفسر منهم نجحوا ازاي و ينشر دا في مقالات…

بما ان لكل مجتهد نصيب ..جت لنابليون هيل اقوي فرصة في حياته لما قدر انه يقابل اشهر و انجح رجل اعمل في عصره و هو مستر اندروا كارنيجي…اندروا كارنيجي كان رجل زكي جدا زي اي رجل اعمال ناجح شاف موهبة نابليون الفذة في عمل لقاءات مع الناجحين فكلف نابليون بمهمة عجيبة جدا محصلتش في التاريخ…قال لنابليون حديك فرصة تقابل 500 مليونير و تعمل معاهم حوارات صحفية بس بشرط…الشرط كان ان نابليون يقدر يحط من اللقاءات دي يلاقي فورمة معينة للنجاح لو مشي عليها اي راجل متوسط الذكاء يقدر ينجح…و بالفعل نابليون اقتنص فرصة عمره و قابل ال500 مليونير و بدأ يألف قواعد للنجاح ضمها في الاخر في تحفته الادبية الرائعة فكر و حقق ثروة او ثينك اند جرو ريتش…النهاردة مش حاتكلم عن قواعد النجاح و لا عن كتاب نابليون بس حافول ان معظم رجال الاعمال الناجحين في العالم بيعزوا نجاحهم في الحياة للكتاب دا و هما بيقولوا كلمة سمعها كتير ن الكتاب كله يتلخص في كلمة و هي…لو حطيت هدف معين في دماغك و قررت ثم حاولت انك توصله لازم حتوصله بنسبة مليون المية..فكر قرر ثم حاول……دا كدة ملخص الكتاب من الاخر..يعني لو قلت انا عندي مشكله في حياتي و لازم حظبطها حظبطها يبقي لازم حتتظبط…طبعا حاتشوفوا الكلام دا عملي لاني مش جاي هنا ارجع اي كلمتين في ودانكم و امشي تاني نيجي لحكايتي..انا شاب عادي جدا …نشأت في بيت طيب ..زي تسعين في المية من شبابا مصر  ..بابا كان مشغول في شغله و ماما هي الي ربتني…ماما علمتني اني اكون مؤدب…عشت و اتربيت ان اكون مؤدب ..كنت مؤدب مهذب في خمسة ابتدائي و كنت باعرق و باتكسف لما اي بنت تكلمني رغم ان شكلي كان جامد حسب كلام الناس و شعري طويل و نازل علي اكتافي و كانت البنات هي الي بتعاكسني و كان وشي يحمر و يخضر و يصفر..ما انا مؤدب باءة …كبرت و رحت اعدادي و بدأت اعمل علاقات في الفصل مع عدد محدود من الزميلات الي كذا واحدة فيهم عبرت لي عن حبها بشكل غير مباش رو مكنتش بعرف ساعتها اعمل ايه و برضوا اعمل فيها عبيط لاني مؤدب و الحاجات دي عيب و حرام…في ثانوي باءة قمة المراهقة و التمرد و كل اصحابي بيظبطوا انا كان اخر احلامي اني اتخيل اي بنت حلوة اعرفها و احبها من بعيد لبعيد من غير ما اخد اي خطوة رغم ان كل الولاد الجامدة كانوا بيقولولي ان شعرك بس كفايه انه يظبط نص بنات مصر…..وبعد كده دخلت خدمة اجتماعية … لاسباب كتير محققتش في الاول النجاح المرجو و دخلت في دايرة احباط …في الفترة دي قابلت علي النت بنوتة لبنانية زي القمر..حلوة..مثقفة و شخصية و بتتكلم كذا لغة باختصار كل المواصفات الي واحد زيي عاوزها…كان حلم حياتي انها تيجي مصر و اشوفها …اعدنا نتكلم عل النت تلات سنين لحد ما كلمتني و قالتلي انها جاية مصر بعد بكرة و عينك ما تشوف الا النور…الخوف …مكنتش حاسس غير الخوف…مش حاكمل الحكاية لاني الباقي معروف…جت مصر و طبعا لاني كنت ساذج و هي خبيرة في لعبة الرجل و المرأة مقدرتش اني اكون ند ليها او حتي اظهر في صورة الشخص هي الي هي بتحلم بيه و بوظت الحكاية و البنت ادتني الزومبا رومبا…اعدت اكتر من اسبوعين في السرير مش قادر اتحرك و كنت بانام ساعتين في اليوم و اصحي فايق جدا و مرهق جدا ..لما درست طب نفسي بعد كدا عرفت ان دا اسمه مرض التظبيط..اه بجد يعنه لو حصلك مشكله و معرفتش تظبط نفسك و تتفاهم معاها دا حيكون جزائك ان جسمك حيتمرد عليك و تعيا… عدوا الاسبوعين و قمت من سريري بس قمت و انا باحلف اني الي حصل مش حيتكرر…قررت اني حاقرا كل الكتب الي بتحكي عن قصة الرجل و المرأة منذ بدأ الخليقة …سمعت شرايط و شفت سيمينارات بس صدقوني كل دا مغيرش كتير لحد ما قررت ان انزل اللعبة بنفسي و ابدا اخرج و اشوف اماكن جديدة و اقابل ناس جديدة و اتعلم ازاي اعمل علاقات…اعدت لفترة كبيرة احاول اظبط في اي واحدة تقابلني و النتيجة كانت ايه؟؟؟طبعا فشل كبير و نجاحات محدودة لانوا الموضوع مش كتاب …اعدت اجرب اجرب و اشوف ايه الي مبينفعش و اشطبوا لحد ما بدأت بالصدفة احقق نجاحات ملحوظة و برضوا اقرا كتب بعد حوالي اربع شهور تقريبا بدات افهم فيه ايه…و ايه الي بيحصل و الست عاوزة ايه بالظبط و مش عاوزة ايه…و لاهم هو انا عاوز مين بالظبط و مش عاوز مين لما بصيت بعيني عل الماضي بتاعي اكتشفت ان معظم البنات الي عرفتهم كانوا نتيجة ضربة حظ…و حسيت اني محظوظ اني قابلتهم و لكن لو مكانوش زمايلي في الفصل و او الكليه …يا تري كنت حاعرف اظبطهم….كنت احيانا اعد بالساعات ابص لبنت معينة و نتبادل النظرات من غير ما يجي لي الشجاعة اكلمها ..طبعا بعد كدة اتعلمت ازاي اخلي نفسي اكتر جاذبية لما اشتغلت علي صورتي في نظر نفسي و شكلي نفسه. لما قررت انسي حاتعلم اظبط اي واحدة ..واجهتني حقيقة جدا…انا مش عاوز اتعلم جيتار و مقدرش اكون مشهور بس شخصيتي دي في ايدي و ممكن انميها بطريقة انها تكون جذابة بطبيعتها اكتشفت كمان انه لازم تقضي من سنتين لاربعة تمارس اي نشاط عشان تبقي كويس..تبقي كويس بس ..عاوز احتراف حقيقي يبقي انت محتاج كمان سنتين لاربع سنين و بما اني بدات من خمس سنين اعتقد اني تقريبا وصلت لمستوي مطمئن من الثقة و النجاح الي مخليني ابطل افكر في الموضوع دا اصلا لانوا بقي بيحصل معايا اوتوماتيك …تفتكروا انا عملت ايه عشان اوصل بصيت لنفسي في الاول و فكرت انا عاوز ايه…ببساطة لقيت ان نفسي اتعرف علي بنت جامدة جدا في شكلها و تكون مسلوعة و حبذا لو بتتكلم كذا لغة..محدش يسالني ليه بس هو دا الي انا كنت عاوزه…دا مزاجي… طيب هو الستات الي من النوع دا عاوزة ايه…ساعتها عرفت اني لازم استغل اي حاجة اقابلها في طريقي ممكن تخليني اطور من نفسي…… هنا بقي الموضوع…لو سنانك شكلها وحش دا مش حيمنعك انك تلبس كويس…مش عيب ان تشوف حلاق روش و تخليه يعملك تسريحة شيك تليق علي شكلك..اشتري لبس حلو…متقوليش انوا غالي لان احسن في شباب كبير اعرفها بتلبس من محلات زي التوحيد و النور و بيظبطوا احلي تظبيط…اوعي تفتكر اني جايبك هنا و باكلمك عشان اقولك غير تسريحة شعرك و البس حلو…خالص..بس دي حاجات صغيرة انت مش حاسس بيها ممكن توقف حالك فمن الاحسن تظبطها بدري خصوصا انها جوة دايرة تأثيرك و تقدر تتحكم فيها…مقولتلكش روح الجيم كل يوم بس عل الاقل ظبط جسمك و شكلك علي قد ما تقدر..اكتشفت ان الست ميهمهاش شكل الرجل علي قد ميهمها انه عامل اكتر ما في وسعه عشان يظبط شكله علي اد قدرته وجهة نظري انك لو وزنك زايد او لبسك وحش و مش عاوز تغير من نفسك يبقي انت من الاصل مش بتحب نفسك و مش عاوز تساعد نفسك…ظبط وزنك و جسمك عشان نفسك اساسا قبل اي حد تاني..من الاخر كدا يبقي انت مش بتحترم نفسك و مفيش اي كلمة حاقولها حتنفعك الستات بتلاحظ ادق التفاصيل الي انت عمرك ما حتلاحظها..لون قميصك..جزمتك و حزامك..و كنت بتبص علي مين و انت اعد معاها..بتولع سيجارتك ازاي و بتحب تاكل ايه و علي اساس كدا بيحطوا تصورهم و يحكموا علي اي نوع من الرجال انت… لما علماء البرمجة اللغوية العصبية يقولولك ان لبسك و شكلك و نبرة صوتك بيحددوا اربعة و تسعين في المية من تاثيرك عل الناس دا معناه ان كلامك الي بيطلع من بقك يشكل ستة في المية بس يبقي ساعتها لازم تفهم يعني ايه جزمة شيك… مقولتش غالية بس شيك..مش عارف يعني ايه جزمة شيك اسال زميلتك اختك و امك ..دايما خلي عندك واحدة صاحبتك او ست عموما تنقي معاك لبسك…انا فاكر اني مرة كنت رايح اشتري لبس و خت معايا بنت تساعدني وهي صممت اني اشتري جاكت شكله مالوش اي معني و اشتريته فعلا…مكنش فيه بنت تقابلني بعدج كدة الا و واااااااااااااااااو ايه دا..الجاكت دا محصلش…رغم ان شكله كان غريب اوي بس هي دماغ الستات كدة…المهم الي عاوز اوصهولك انك تطور من نفسك…لو معاك شوية فلوس بدل ما تصرفها عل القهاوي انزل اركاديا و جنينة و سيتي ستارز و فك الكيس شوية و هات لك طقمين شيك..طقمين شيك كفاية اوي علي فكرة و مش محتاجين اكتر من كدا… دايما حتلاحظ ان كل التفاصيل الصغيرة دي بتفرق..مثلا انا مش بادخن و كل ما اخرج مع مزة من بتوع الزمالك او المعادي تسال لو معايا ولاعة..في الاول كنت باقول معاييش..بعد كدة خت واحد صاحبي و نزلت دورت علي اشيك ولاعة في مصر…طبعا اول ما اي سنيورة تشوفها تقولك واااااااااااااو دي شيك اوي…و كذا واحدة حاولت تقلبها مني و طبعا مرضتش..بلاش عندي واحد صاحبي معاه الولاعة الزيبو الي هي بترفع غطاها بحركة مسرحية و تولعها بنفسل الشكل…نظام جورج كولوني في فيلم اوت اوف سايت مع جينيفر لوبيز…طبعا حاجة روشة مووت…ممكن ناس فيكوا تقول ايه التفاهة دي و انت جايبني هنا عشان تقولي ولاعة و مش ولاعة..اقولك مش عيب ان تكون راجل مفكر و عاوز تتكلم في مواضيع جد و يكون معاك ولاعة روشة…التفاصيل الصغيرة الي بتلفت نظر البنات دي عاملة زي الملح في الاكل في شوية حاجات اساسية لازم تعرفها لان مفهاش فصال – ضوافرك تكون نضيفة و مقصوصة و يستحسن متئرئضهاش – المكان الوحيد الي مسموحلك يكون ليك شعر فيه و راسك…شعر في مناخيرك او ودانك او اي حتة تانية بلاش منه عشان مش طالبة قرف – برفان كويس و متحطش منه كتير انا عن نفسي بحط اي حاجة من هيوجو او هوجو زي ما بيكتبوها في مصر لان هيوجو مش بتنزل اي منتج وحش – ريحة بقك تبقي حلوة و انا ليا قصص مع الموضوع دا لاني مدمن هولز و البنات ماشاء الله عليها..نظام انت واكل هولز توت..حتة ساعتها ممكن تكون واحدة متعرفهاش و تفتح معاها حوارات عن الهولز و حصلت معايا كتيييييييير اوي..دايما خلي في جيبك باكو هولز او كلورتس لانك حتسمع بنات كتير بتسال عن حد معاه لبان و لو كلينكس برضو ميضرش,,,لما كنت مركز في الموضوع اوي كنت باجيب كلينكس معطر من كارفور و شكله شيك اوي و هكذا…دايما اهتم باصغر التفاصيل لان الحاجات دي بتفرق كتير اوي في نجاحك مش بس مع الستات و لكن في العلاقات الانسانية بصفة عامة

اسرار التعرف على الجميلات من اللقاء الاول,تحميل كتاب اسرار التعرف على الجميلات من اللقاء الاول,تحميل كتاب اسرار التعرف على الجميلات من اللقاء الاول مجانا,اسرار التعرف عل الجميلات من اللقاء الاول,كتاب التعرف على الجميلات من اللقاء الاول,كتاب التعرف على النساء من اللقاء الاول,تحميل كتاب التعرف على النساء,تحميل كتاب اسرار المراةازاى تتعلم تظبيط البنات,اسرار التعرف على البنات,ازاى تتعلم الثقة بالنفس,ازاى تظبط اى بنت تعجبك,ازاى اظبط بنات,كيفية التعامل مع النبتات,كيفية التعرف على البنات,كيفية التعرف على الجميلات.طرق التعامل مع البنات,طرق معاملة البنات,ازاى تتعامل مع البنات,ازاى تظبط البنات,ازاى اظبط البنات,معاملة المراة,طرق معاملة المراة,ازاى اعلق بنت,ازاى الفت انتباة بنت,البنات وتصرفاته,كيفية معاملة البنات,حجات بتبوظ التظبيط,حجات بتبوظ علاقتك بالبنات,اسباب فشل علاقاتك مع البنات,للرجالة وبس حجات بتبوظ التظبيط,تظبيط بنات,اسرار تظبيط البنات,ازاى تظبط البنات,اسرار التعرف على البنات,اسرار التعرف على الجميلات من اول لقاء,ازاى تتعلم الثقة بالنفس,الثقة بالنفس,البنات,تظبيط بنات,اتعلم تظبيط البنات,ازاى تظبط البنات,ازاى اظبط بنت,ازاى اظبط واحدة,ازاى اكلم بنات,ازاى اقوى شخصيتى,كيفية معاملة البنات,كيفية التعرف على البنات,كيفية تظبيط البنات.كيفية معاملة البنات,جمل تظبيط جامدة,جمل تظبيط جامدة للبنات,جمل لتظبيط البنات,دخلات للكلام مع البنات,احلى جمل للتظبيط,جمل للتعرف على البنات,جمل للتعرف على الفتيات,تحليلات لشخصيات المراة,تحليلات لشخصيات البنات 

إقرأ المزيد